على باب سفارة كندا..لمحت ابليس و ف ايده استماره

..بقول له على فين..قاللي بص..يا هجره يا اعاره

..يا عم زهقت كفرت..الاقيش معاك سيجاره....

.انا انتهيت خلاص..لا نافع وسواس ولا خناس

..ولا ليا عيش وسط الناس دي عالم مجرمين..عندكوا فائض ف الفساد..في كل البلاد..ومش

محتاجين شياطين..مليش عيش ف البلد دي.

.بقالي سنين عاطل...و انتوابتعرفوا..تقلبوا الحق باطل

..و تسلكوا القاتل..و تمشوا ف جنازة المقتول..ومفيش مشاكل

..يا عم ده انا بقيت أوسوس بالمقلوب...و أقول للحرامي انتى مش هتوب توب..هو انت هاتعمل

كل الذنوب لوحدك...و أنا ابليس أشتغل ايه واعظ ..ولا كمساري ف اتوبيس

..يا عم ده انا زمان..كنت استنى حد ينسى يسمي..وهو بياكل لقمته..دلوقتي كل اكلكم

ملوث..و بصراحه الواحد خايف على صحته...ده مفيش ضمير اساسا..عشان اموته يا راجل ده

من كتر ما لطشت معايا..خرجت ف مظاهره..مع الناس اللي بتقول كفايه...و برضه مفيش فايده